.

IRUÑERRIA PIZTERA GOAZ ! 2007ko maiatzan sortu zen, gaztetxe eta kultura herrikoiaren aldeko herri ekimena bezala, garaian oinarrizko bi helburu zituela: alde batetik Iruñerriko gaztetxearen itzulera bilatzea, herri eta auzoetan beste asko eraikitzeko lehen urratsa emanez, eta bestetik udal bortizkeria bere forma guztietan salatzea (itun hiritarra, udaltzaingoen jokaera,...) .

Piztera! Ekintzarako plataforma bat dugu, udalaren gehiegikeria salatu eta gazte zein horren gazteak ez direnentzat espazio autogestionatuen beharra kaleratzeko.Ekintza zuzen, publiko eta ez bortitzen bidez kaleratutako aldarrikapenak alegia.

2007ko maiatzatik hona, (2010eko urtarrila) hiru urtez hamaika jarduera plazaratu dira gaztetxearen eskabidearekin bat, haien artean 22 ekintza zuzenak, guztietan desobedientzia izan dugularik tresna nagusia gureak diren autonomia eta autogestioa babesteko.

Eta ondoren zer? Inoiz baino gehiago, orain dagokiguna kaleetan gaztetxearen alde tinko jarduten jarraitzea da. Nahi izanez gero aurten izango dugu berriz gaztetxea iruñean. Gaztetxea badator !!!

Ekintzak, bideoak eta Gaztetxea Kalegorrian, gizarte eta kultur mugimendua gaztexeen alde, bizi bizirik, beste askoren artean geure webgunean. Edozer gauzarako gurekin harremanetan jarri nahi baduzue, hona hemen gure helbidea: okupazioa@gmail.com